نظر سنجی
ورود به سایت
تصوير تصادفي
- images/stories/photonews Not a directory
آمار سایت
اعضا : 133مطالب و محتوا : 2596
لینك وب ها : 107
مشاهده بازدیدهای مطالب و محتوا : 2124289
حاضرین در سایت
ما 45 مهمان آنلاین داریم| شیخ محمد خیابانی منظومه سی قسمت دوم |
| نوشته شده توسط پيام ميشو | |||
| چهارشنبه ، 25 مهر 1386 ، 12:29 | |||
|
دوغوم کؤکسونده هیجان ،گؤزونده اومید، اوتاقداگئدیردی اویان بویانا، بیلمیردی نئیله سین باخسین هایانا. باییردان گؤرونو تیکدی میشووا، بوغازیندان قوپدو غملی بیر نوا. صلوات چئویردی ،اوخودو دوعا، برکتلر گلسین ،ساووشسون بلا اوفوقده سارالیب گونش باتیردی. سهند اتگینده دونیا یاتیردی . خامنه اهلی کنده گلیردی داغدان ، سس سمیر کسیلیب سوسوردو عریان. گئجه ساللانیردی،قاش قارالیردی. قارانلیق اطرافی ساریب آلیردی. قادینلارین هایی گلیردی یاندان، آغریلارچکیردی «رقیه سلطان » بیر قادین اویاندان سئوینجک قاچدی، حاج عبدالحمیدین قاپی سین آچدی . دئدی: «ـ موشتولوق وئر،،بیر اوغلون اولدو» حاج عبدالحمیدین گؤزلری دولدو . قالدیردی گؤیلره ساری باشینی ، «...شکرالله» دئدی، تؤکوب یاشینی . یئرینه گتیردی شوکورسجده سی. آیه لر اوخودو ،اوجالتدی سسی. «ـ فتبارک الله » دئدی: « ـ یا الله،سنین ئوز بیلدیگین یاخشیدیر،یاالله !» دونیادا یاراتماق ایشیندیرسنین ، سنین عبدین اولماق بورجو بنده نین . خیالدا گؤیلریزیارت ائتدی ، بیردن هوشدان چیخیب ئوزوندن گئتدی. الله بخش ائتمیشدیر ،بیر اوغول اونا ، آللاهین وئرگی سی گلرمی سانا؟
آد قویما ایکی اوچون گون سونرا قوهوم قونشونو ، بیر آرایا ییغدی حاج عبدالحمید . شادیانالیق ائتدی چای شیرنی وئردی، گؤزلرینده سئوگی کؤنلونده اومید . صلوات گؤندرسین ،اوخوسون قرآن. حاج عبدالحمیدی دوعا ائیله سین ، اونا چوخ گؤرمه سین اوشاغی دؤوران . اوخودو اذانی ساغ قولاغینا . قدمی خئیردیر،یئیدیر سؤیله دی، دئدی اقامه نی سول قولاغینا . آناسی بیر راحت نفس چکیردی. گؤزلرینی یومموش رؤیالاریندا گله جک حیات چین چیچک اکیردی. آنابیرگئرچکدیر،دانیلماز گئرچک. «آنا حقی تانری حقی» دئمیشیک . آنا حققین آیاق آلتینا سالساق ، ظلم ائدیب تانری نین حققین یئمیشیک . سئیر ائیله روتبه سین باخ مقامینا، تانری آنالارا وئرمیش جنتّی . اوغلو بویا –باشا چاتانا قده ر، آنا قبول ائدیر هر اذیتی . معراجا یوکسلدر اوغولو قیزی. آنا سوتو تمیز اولارسا، اوغلو، فتح ائدر گونشی ،آیی ،اولدوزو . مقدّس آرزوسون توپراغا وئرمز. نور یاغار آنانین یان-یؤره سیندن ، شیطان صاف سئوگی نین قوینوناگیرمز. ناغیلی،نغمه سی،ترانه لری. ئویودو،دوعاسی،حربه-زورباسی، قولاغیمدا قالیب ایللردن بری. نغمه سی ایلاهی،سؤزو ایلاهی. یوکسک ذیروه لرده یاشاییر آنام دیلگی ایلاهی،ئوزو ایلاهی. ایلاهی موهبت ،ایلاهی وئرگی، سنیندیر،منیمدیر باجیم، قارداشیم. بئله بیر ذیروه دن قوپوب گلیرم ، یادلار قارشیسیندا اوجالیر باشیم. فلا تقل لهما اف ولاتنهرهما وقل لهما قولا کریما(اسراء/23) گون به گون یوکسلدی محمّد،قیزیم! دؤرد یاشلی،بئش یاشلی بیر اوغلان اولدو. کؤکسو صحبت دولو خان آناسی نین ، حکایت لریله قولاغی دولدو. قیشین چووغون دولو چن هاواسیندا، یایدا، گوزده، یازدا، پاییزدا، قیشدا، هر نه یی گؤروردو ئوز آناسیندا. أوچ-دؤرد ایل اوغلونو تربیه ائتدی. بیر نئچه ایل سونرا،«ماخاچ قالا»دا، آتانین تجارت ایشلری بیتدی. خامنه یه گلینجه اوغلون چاغیردی، أوزون گؤزون ئوپوب باغرینا باسدی. «-داغستانا بابا منی ده آپار!» محمّد آغلادی ،او قولاق آسدی: «-بابا،دونن سنی یوخودا گؤردوم ، منه درس دئییردین مکتب خانادا. دؤوره،اوتورموشدوق حصیرلر اؤسته، بوتون اوشاقلارلا،من ده آنادا!» و من آیاته خلق السموات و الارض و اختلاف السنتکم و الوانکم ان فی ذلک لایات للعالمین (الروم /22)
مکتب ده خامنه نین بوسبوتون مسجیدلرینده، اوشاقلاردرس اوخورحصیرلراؤسته. مسجیدلرده هرگون شربت وئریلیر، آخوندون آلتینا خالچا سریلیر. ابجد،هوز،خطی بیر-بیر اوخونور، گله جک چین جانلی خیال توخونور. درسلر اوچ سطحده مسجیدده گئدیر اوشاق بیر-بیریله رقابت ائدیر. بیرینجی سطحده:اوخورجزءعمه، حرکه نی،حرفی ئویره نیر بیرده. ایکینجی سطحده:آنا دیلینی ، اوخویور،تانییر شانلی ائلینی. «رشدیه»یازمیشدیر گؤزل خطلیه، یایمیشدیر هر یانا اوخونسو دئیه. اؤچونجو سطحده:قرآن دئییردی، آخوندحکمت وئریر،دین ئویره دیردی. آتا محمدی قویدو مکتبه ، یؤنلسین قرآنا،علمه،ادبه. محمد بیر ایلده هم جزء عمه نی اوخودو ،بیتیردی هم چره که نی اوشاقلاردان بوتون قاباغا کئچدی، جهالت کؤکونو بیلگیله بیچدی. «ایکی سطحه»کئچدی سکگیز یاشیندا، «آنا دیل »اوخودو ،کورسو باشیندا. «حاج میرزا حسن رشدیه»کیمی، دانیشدیغی تکی بوتو سؤزلری، یازیردی لوحه یه ،نئی قلمیله. دیلین ئویره نیردی آخوند الیله. محمد،گل اوغلوم،اوخوبوسؤزو، بیر گون اونا دئدیآخوندون ئوزو . محمد اوخودو :اوشاقلار،حاضیر! «حسن بن مهدی رشدیه »یازیر: «بیر چمن زار،بیر گؤزل اوتلاق، اولموش ایدی ایکی ئوکوزه یاتاق. اوتلاماق ایسته سه ،اوتو وار بول ، ایچمک ایسترسه ،سو یانیندا ،سو ،بول. ارسلان اولدو حالدان آگاه ، ایسته دی اولسون اونلاراهمراه. یعنی اوتلاقدا مقام ائتسین ، آنلاری ئولدوروب طعام ائتسین . وئرمه دیلر ئوکوزلراونا مجال، اتفاق ائتدیلر ،اولوب هم حال ، شیر حمله ائدنده شب یا روز ، گؤستریردی اولاراونا بوینوز. شیرگؤردوکه اولماییر چاره، حیله یه أوزچئویردی بیچاره! یانلاییب آنلارین بیرینی یاواش، دئدی: «-بند اولما یولداشا،قارداش! اوتلاصحرایی ،گزگیلن تنها سنه مندن اولور حمایتها ! ائرائتدی ئوکوزه شیز سؤزو، یاغلی سؤزلره آخدی پیل گوزو. اولدو بو سوزله یاردان تنها ، ائتمه دی مئیل یولداشا،اصلا. شیرچون یاری ائیله دی اغیار، تک به تک ائتدی آنلاری مردار. بود ومقصود قصه دن حصه، متفق قوم چکمه دی غصه. آخوند دئدی اونا : -«اوغلوم،آفرین! درسینی اوخودون چوخ شیرین،شیرین. آتاوا آناوا مبارک اولسون، اونلارین أوره گی سئوینجله دولسون. سنی خلف ائتسین حق تعالی برکتلراولسون ،سنه،آی بالا.» سونرا آخونداونا دئدی نیفاقدان ، اتفاق ،اتحاد،همده شقاقدان . قرآندان آیه لر گتیردی اونا، آللاهین بویروغو گلرمی سانا؟ ظلمدن دانیشدی همده عدلدن محمد آخونددان ئویرندی هرفن. أوچونجوسطحده ،«مختارنامه»نی، «نصابی»،«معجمی»،همده«دره »نی، اوخودو،ئویرندی عجم دیلینی ، خیدمته ،باغلادی او ئوز بئلینی. عجمجه ئویرنمک فرض اولموش بیزه کئچمیشدن بو ایمیش عادت تبریزه . عجمجه یازانلار بؤیوک شاعیرلر، هرفنده علمده دیلده ماهیرلر، تورکلرآراسیندا یئتیشمیش،چیخمیش. ئوزگیه ائوتیکمیش،ئوز ائوین ییخمیش ایشین بیرأوزونده سئوینج اولسادا اوبیری أوزونده بیر آجی غم وار «یانیق کرم»ایله بیرده «دیلقم»وار. ئوزگیه «نظامی»بسله میش ائلیم، دیللرده سرکرده اولموشدوردیلیم. ولاکین چوخ مردارساتقین نوچه لر، دوشمنلیکه تورکوعجمی چکر. تورک-فارس دوشمنلیگین تبلیغ ائدیرلر، نوچه لر،«کسروی»یولون گئدیرلر. بیر ،حکمت سؤیلنیر مین ایلدن بری: «فارس سیز تورک اولانماز»دیللرازبری. بیر-بیره باغلانمیش طالعیمیز باخ، بونو دویمالییق دریندن،آنجاق! آتالیق ائتمیشدیر بابالاریمیز، فارسادا،کورده ده ،گل اینان ،آی قیز! اما که کیمسه نین دیلین کسمه میش، تاریخین دانمامیش،ائلین باسمامیش . یاراتمیش کورده ده تاریخ،فارسادا، مدنیت وئرمیش،او،کؤچموش هارا . باشلارین اگمه میش هئچ زامان یادا ، ساتقینلاراونلارا دؤنوک چیخسادا. مطلومدان حیمایت ائتمیش بابامیز، سیغینما قالاسی اولموشدو تبریز. تاریخ آددیملامیش صاباحا ساری، تورک آددیملاریله هر ایلک باهاری هر تورک انسانلیغین دادلی میوه سی، جسارت نغمه سی ،شجاعت سسی ، ایگیدلیک رمزی دیر ،حیات قوخوسو، دوشونجه آغاجین بیرسوواران سو. قوللاری قاندالدا اولسادا بئله، آزاد ایلقارینی وئرمه میش اله. أوره گیم دولودور،یازارام سونرا، کئچک شیخ محمداوشاقلیغینا. اون ایکی یاشینا چاتان زاماندا، مکتبی قورتاردی بابایوردوندا . قرآن ئویرنمیشدی،بیلیردی احکام ، شعر سؤیله ییردی ،آلیردی چوخ کام . ادبیات ،تاریخ،اخلاق اوخوموش ، بیز اوخویانلاری چوخدان توخوموش . گؤرجک بوحالتی حاج عبدالحمید، اوغلوناباغلادی دریاجا اومید. ساوادلی،بیلیک لی یئنی یئتمه نی . چاغیردی یانینا سؤیله سین بونو: «-سن اوغلوم اولوبسان یئتگین بیر جوان، ایندی تجارته ال قویمالیسان. داغستاناساری،ماخاچ قالایا، گئده لیم اورادا ذوقونوسینا. تجارت ایشی نین ئویرن اسرارین، چوخالسین بو ایشده قازانجین وارین.» «-آتاسی سؤزوندن چیخمازاو»، دئدی- آناسی،باشماغین گئییمین وئردی. خامنه دن سفره چیخدی محمد، سفراثناسینداپیشه جک البت.
|
|||
| آخرین بروز رسانی مطلب در دوشنبه ، 19 آذر 1386 ، 21:18 |