نظر سنجی
ورود به سایت
تصوير تصادفي
- images/stories/photonews Not a directory
آمار سایت
اعضا : 133مطالب و محتوا : 2596
لینك وب ها : 107
مشاهده بازدیدهای مطالب و محتوا : 2124180
حاضرین در سایت
ما 33 مهمان آنلاین داریم| شیخ محمد خیابانی منظومه سی قسمت اول |
| نوشته شده توسط پيام ميشو | |
| يكشنبه ، 15 مهر 1386 ، 14:44 | |
|
کتاب منظومه شیخ محمد خیابانی به زبان ترکی سروده حسین دوزگون که به صورت ویژه نامه نشریه امید زنجان در شهریور 1378 منتشر شده است . أوره ک آغریسی سوروشورسان : « ـ نییه بابا آغریر سنین أوره گین ؟» أوره گیمی آغریدانلار،منیم قیزیم ،آزدگیل . هانسین دئییم ،هانسی قالسین ؟هانسینا سن دؤزرسن؟ سنین ده که سئرچه قلبین ،منیمکی تک ساز دگیل. «دونوق اولسا،دورغون اولسا» سؤیله میشدیر فضولی: «اوره ک دگیل ،پارچا بوزدور،گر اولماسا دردمند.» ائله اولو درد و غم وار ، أوره گی ده آغریدار انسان وارکه ، و جودونو نئی- تک ائیلر بند ـ بند. بیر قلبین یوخ،بیرکسین یوخ،بو دردیدیر وطنین شاعیر لرین کیتابلاری قولتوغوندا قالاندا، نئجه منیم قیزیل قلبیم هئچ آغرییا دوشمه سین؟
یوز ایللر یول گؤزله یرمی بیر ائل ـ اولوس،بیر ملّت؟ اسارت قانداللارینا دؤزرلرمی آسلانلار؟ غئیرت کانی اوغوللاردان گؤرونمزمی بیر غئیرت! اجنبی نین چیراغینا هی سوزولور،یاغ اولور. اریمه سی ،تؤکولمه سی دره لره داغلارین، اوره گیمده قیزیم منیم هی دیکه لیر ،داغ اولور. گلجه گین قوتلو اولسون ،آیدین اولسون گونلرین . ایتیر مه سین سیادتین ،باشی اوجا یاشاسین ، یاخشی بویوتسون ائولادین ،بیر گون گؤروسون ائللرین. قیزیم سنین دوغوم گونون مبارک اولسون بوگون. سون غلبه دؤزومده دیر،دؤزورقارتال اؤره گیم ، گؤزله ییریک گله جه کده بؤیوک ظفر،توی،دوگون. هرکیم سنین بایرامینا بیر هدیه گتیریر . آنان یئنه کدریمی سوزور منیم اوزاقدان ، چونکوبابان شعر پایی ایله بو بایراما قاتیلیر! «شیخ محمّد»حماسه سین ، قیزیم! سنه یازمیشام . منیم بو دؤولتیم ـ واریم یئنه نیسگیلدیر سنه کلمه لرین ، أوره گیمین لاپ دیبیندن قازمیشام . دئدی:«عشقه،فضیلته،دوزگونلوگه وورولون . هر هاوایا اوینامایین اجنبی یه خوش گلسین ، منیم تکی عشق اودونا یانین ،دؤزون،دورولون.» «نییه بابا آغریر سنین اؤره گین؟» أوره گیمی آغریدانلار منیم قیزیم آزدگیل ، ایندی بیرین سؤیله ییرم،دینله،قولاق آس درین: فانظروا الی اثار رحمه الله کیف یحی الارض بعد موتها (الروم /50) خامنه «شبستر»دن قیراقدا ،گون باتان بؤلگه سینده ، شیخ محمودون سؤزونده ،سسینده ،نفسینده ، یوز ایللر بوندان قاباق وئردیگی ایلقار أوسته ، غریب بیر نغمه یاشار ،غملی دویغولار أوسته. أوره گی نین باشیندان دنیزه پنجره وار سونسوز سمانی اونون أوزونه هر گون آچار «میشو» قوجاقلامیشدیر ،دریا قده ر غصه سین ، قوینوندا ساخلامیشدیر زمان سارسیدان سسین . مین دؤرد یوز ایللیک چینار نغمه سیدیر بو شه هر ، ئوز اگنینه گئینده غریبلیک یاپینجینی ، گؤز ئونونه گتیریر دوشمنین قاخینجینی . میشو بوتون ایسلانیر ،گؤزلریندن یاش آخیر ایلدیریملارشاققیلدیر،چینارگؤیلره باخیر . گؤیلر بوتون قاپقارا ،نه اولدوز وارنه ده آی، نه آغلاییش دویولور ،نه سس سمیر،نه بیر های . سوسغونلوق بورویوبدور بوتون قایالیقلاری غم کروانی یوکسلیر «خامنه»دن داغا ساری. میشو داغی ،شیمالدان اورمو گؤلو جنوبدان قوینوندا بئجریرلر خامنه نی ،سانکی بیرجان . «تسوج»گیلانارلیغی سولدا ،«شبستر»ساغدا، قیوریم-قیوریم بزه ییر گؤیچک اوزون هر چاغدا. دالینی وئرمیش داغا اوزون دنیزه آچمیش، آغیرقاراماتمین دوزنگاهلیغا ساچمیش . شیخ محمّددی دوغموش،بئجرتمیش،هم ایتیرمیش، هم سئوینج ،هم برکت،همده سکوت گتیرمیش . «باقرآباد »،«حاج حسین»مسجیدلرین ساووشدوم، «حاج احمد»کوچه سی نین باشیندا آتدان دوشدوم. دئییر لر که او شیخین بورادا ایدی ائوی، بوردا دوغموش یاشامیش بورداسورموش عمرونو. قانالیقلار،آلمالیق،آرمودلوه قلار،گوللوکلر، یوروموش بیر باخچادا اونو گؤررمیش ائللر . سن بودار کوچه لرده شاعیر نه آختاریرسان ، تعظیم ائت ،قوی سارسیلسین حقّه باغیران شیطان . حق هارا ،حق سؤز هارا ،الله هارا،دین هارا ، اوره گیمه وورور او یارا اوستوندن یارا . اوتور ،آخشام چاغی دیر ،گون یؤنه لرباتماغا، سنی آپاراجاغام یوز ایل قاباقکی چاغا. سیل کؤنلونون پاسینی آخیت گؤزون یاشلارین ، باخ قیزاران شفقه ،دوگونلمه قاشلارین . سکسن ایل بوندان قاباق خامنه گونشی باتدی، بیر ساتقین دین سیز کؤپک شیخ محمّدی ساتدی. اؤره گینده نه آشوب آی شاعیر نه عصیان وار، داریخما ،اوتور آغلا ،یوخسا واختین دارالار. سن حله یازمالیسان قهرمانلیق دستانین، حماسه لر یارادان شانلی آذربایجانین . یاز،خائنلردن دانیش جینایتلردن سؤز آچ، گونش اسرارین سؤیله ،قارانقولو قلاردان قاچ، اوتور بوردا ،بو کوچه مقدس دیر سنین چین، بو آنا جاده سیدیر،شاه راهیدیر وطنین . شیخ محمّد خیابانی آددیم باسمیش بورایا ، اوتور آغلا ،هئچ ترپنمه،هاراگئدیرسن ،هارا؟ عصیانلی ایمانلارین جاده سیدیر بو کوچه، صاف عشقین شربتی دیر ،باده سیدیر بوکوچه . دوشونجه لر ،آرزولارین دیلکلر صحیفه سی، آزادلیق اسراری دیر ،فضیلتلر نغمه سی. ئوپموشدورآیاقلارین شیخ محمّدین بوتورپاق دویموشدور اومیدلرین دوتموشدور اوندان سوراق. ایکی رکعت نماز قیل ،آلنینی تورپاغا قوی، تکّبرقابیغینی گل أوره گیندن سوی! قوی آپاریم تاریخین انگین کوچه لرینه، قولاق آس شیخ محمّدین عصیان دولو سسینه. گؤر نئجه معراج ائتدی ساواشلار مئیدانیندان، جبرائیل قانادین دا ئوتدو،کئچجک جانیندان. اورموگؤلون بزه دی ،میشودان قانی آخدی، خامنه قانلی چیچک تک غملی غصه لی باخدی. غریب بیر نغمه کیمی وئردیگی ایلقار أوسته، غملی دویغولارین داغیتدی دسته ـ دسته. گئدک تاریخیمیزین گل بیر دؤنگه لرینه ، قولاق آساق زامانین گیزلی ترانه سینه: لقد خلقنا الانسان فی احسن تقویم (التین/4)
|
|
| آخرین بروز رسانی مطلب در دوشنبه ، 19 آذر 1386 ، 21:29 |